Í slíkum undantekningum getur þýska sendiráðið í Reykjavík eða einn af þýsku ræðismönnunum á Íslandi gefið út útflutnings- og kaupandavottun (einnig stimplun á Tax-Free ávísun) samkvæmt eftirfarandi skilyrðum:

Sýna þarf keyptar vörur.

Heimilisfang kaupandans á Íslandi þarf að sanna með gildu vegabréfi eða útdrætti frá Þjóðskrá Íslands

Sanna þarf að farið hafi verið með vörurnar yfir ESB-landmæri innan þriggja mánaða, frá því kaupin voru gerð. Með því gildir, að síðasta landamærastöðin innan ESB ber ábyrgð á tollafgreiðslu, einnig þó kaupin hafi ekki verið gerð í því landi (t.d. ef vörur eru keyptar í Þýskalandi og ferðast er áfram til Danmerkur og þaðan til baka til Íslands: þá er ábyrgðin hjá dönskum tollvörðum).

Útflutnings- og kaupandavottun er gjaldskyld samkvæmt taxta140 um erlenda kostnaðarreglu.

Gjaldið er 36,- evrur fyrir hverja vottun og er hægt að greiða með reiðufé (í íslenskum krónum miðað við opninbert gengi) eða með kreditkorti (American Express/Mastercard eða Visa). Útflutningsvottun hjá þýskum tollvörðum er hins vegar gjaldfrí.

Við viljum vekja athygli á því, að endurgreiðsla virðisaukaskatts er sjálfviljug ákvörðun og veitum við nánari upplýsingar í síma. Þýsk fyrirtæki eru lagalega séð ekki skyldug til að endurgreiða virðisaukaskatt.